登「華山萬里長城」

今天行「華山」的「萬里長城」……喂！咪住，有冇搞錯呀？……「萬里長城」好似唔係嚮「華山」嗰度噃！

冇錯，係「華山」的「萬里長城」，不過呢個「華山」唔係中國五嶽之一峻拔高險嘅西嶽「華山」，而係嚮香港上水僅得一百多公尺高嘅「華山」。山上有英軍建造的舊有軍用車路，連綿蜿蜒幾個差不多高度的山脊，遠看形似「萬里長城」，因而得名。

早上於「上水火車站」起步，經「石湖墟」，順道參觀「上水鄉廖萬石堂」，沿「文錦渡路」，跨過「梧桐河」走到「虎地坳道」路口，再沿對面的「紅橋新村」上行，登「長甫頭」，之後沿「萬里長城」直上「杉山」，經「華山」、「犀牛望月」、「馬頭嶺」、「松山」，下達「坪輋路」。過馬路入「五洲路」，途經遠離海岸線的「坪輋天后廟」後，上「禾徑山」敲「打咚咚石」，然後沿「坪原路」走回「坪輋路」到「雲泉仙館」參觀，最後搭79K巴士回「上水廣場」。

全程走了13.43公里，邊走邊參觀邊影相的，共用了5小時37分鐘。

「石湖墟」農產品分銷點

「廖萬石堂」

「梧桐河」

遠處就是我們今日要走的一連串山脈

由「紅橋新村」這裡登山

「萬里長城」起點

「長甫頭練靶場」紅旗高掛，表示正在操炮。

下瞰「上水」，「梧桐河」蜿蜒其中。

開始有「萬里長城」feel！

似唔似「萬里長城」？

「華山」山巔

「華山」又稱「大嶺」，上有清朝道光年間豎立的「祈雨碑」。

「大嶺練靶場」

遠處高樓林立的是「深圳」

回望我們走過的路

英軍軍徽遺址

廢棄了的英軍車道閘口

「坪輋天后廟」

登上「打咚咚石」的山路曾被山火蹂躪

「打咚咚石」，用石頭敲打，會發出清脆的「咚咚」聲。

途經「坪輋路」的「打鼓嶺臨時活雞檢查站」

「雲泉仙館」