上星期曾與孫兒到「樟宜機場」遊玩，佢玩到唔肯走，其後朝朝起身都說：「仲想去機場玩！」
昨天，佢媽媽問：「你想去機場定去 Mini Zoo 呀？」佢肯定地回答：「去機場！」
接著，我問他：「你想去游水 (他很喜歡玩水) 定去機場呀？」佢堅定地回答：「游水去機場！」我哋解釋俾佢聽游水去唔到機場，佢話：「去機場，搭『巴胡巴』！」 (「巴胡巴」即是858的普通話發音) 佢連搭咩巴士去機場都知......笑死我哋......於是今日又再去。
「樟宜機場」現時有三個客運大樓，各客運大樓之間以無人駕駛列車 (Skytrain) 連接，4號客運大樓正在興建並將於2017年落成。
不像香港的「赤鱲角機場」的2號客運大樓只辦理登機、出境和海關手續，沒有登機閘位，旅客要去1號客運大樓登機；「樟宜機場」每幢客運大樓均有登機閘位，而且「公共區域」 (即香港的所謂接機和送機大堂) 很大，有許多店舖和食肆，還有多個供兒童玩耍的設施，新加坡本地人都喜歡來機場購物、飲食和遊玩，作為一項假日消閒的節目。
岔開一筆，新加坡政府似乎不鼓勵遊客乘搭巴士往返機場，因為機場沒設巴士總站，只有5條循環線的巴士途經機場各客運大樓、另外1條在T2開出的36號，也是循環線。巴士都是普通行走市區的巴士，沒有行李架，以我所見，旅客攜帶行李在車上佔用了不少座位，而且都只是細件行李；我懷疑大件旅行喼會唔會唔俾上車？不過，想慳錢唔搭的士，搭地鐵也很經濟，比巴士貴不了多少，不像香港「機場快線」收費咁「乸脷」！
 |
| 3號客運大樓的巴士站，上落完客就要開走。 |
 |
| 超長滑梯入口 |
 |
滑梯的使用規則，玩長滑梯，只需在機場消費滿10元，就可以玩一次。 |
 |
| 長短兩條滑梯，長滑梯是成人玩的(或身高1.3米以上)，短滑梯是免費的，供身高1.1米至2米的成人和兒童玩的。 |
 |
| 超長滑梯 |
 |
| 供應紙張和蠟筆，給遊客拓印或塗鴉。 |
 |
| 大批幼稚園生在老師帶領下，來機場遊玩。 |
