大欖涌水塘河背水塘連走

連日天氣陰晴不定，要瞓醒才能決定行唔行山，今天起床(梗係唔會好早啦)，天色明亮，咁咪出發囉！

走條行慣行熟嘅路線，起初想行去「元朗南坑排」，去到「吉慶橋」大休時，老妻提議不如走山路去「河背水塘」，冇問題！雖然這段路以前只行過一次，但唔難行，於是轉軚。走到「河背水塘」，已差不多五點鐘，老妻竟然又提議走去「雷公田」，嘩，由此往「雷公田」要走約兩個小時，未到已經天黑，唔好諗啦，走落「河背村」收工算罷啦！

走了19.77公里，用了6小時36分。

「大欖涌水塘」

這個菇菌好靚

「大欖涌水塘」

初開的「楓香樹」葉原來也是紅色的

俯瞰「河背村」

「河背水塘」

「河背水塘」主壩

「河背水塘」主壩

霧中初探「摩星嶺」

最近天氣極不穩定，時晴時雨，上星期已沒有去行山，今日其實天文台預測有大霧及局部地區會有驟雨，唯有行條短啲易行啲又係老妻提出嘅路線 ── 「摩星嶺」。

「摩星嶺」是一個小山丘，英文名字 Mount Davis，是以香港第二任香港總督戴維斯命名，至於點解叫做「摩星嶺」？咁就唔知嘞，可能以前啲人在此觀星，於天朗氣清的晚上，感覺接近得可以摸到(摩=摸)天上的星星啩！此山僅高269公尺，但由於位處香港島最西端，面對「東博寮海峽」與「硫磺海峽」(「東博寮海峽」是香港島與「南丫島」間之水域，「南丫島」古稱「博寮洲」；「硫磺海峽」是香港島與「青洲」間之水域)，扼西面進入「維多利亞港」的咽喉，為兵家必爭之地，極具軍事價值，英國人於1900年已在此建立砲台碉堡，二次世界大戰時英軍藉以對抗日軍的入侵。

相傳日軍攻取此地時與英軍激戰，雙方傷亡慘重；又傳日本投降時駐守在此的日軍全體自殺；又因砲台碉堡荒廢多時，雜草叢生，氣氛陰森，於是傳出有怪異事件，甚至有在此打 war game 的人言之鑿鑿說看到一整隊不知是英軍或日軍在操練。我哋兩個耆英冇有怕，一於去探險。

由「中環」乘「新巴」1號線到「摩星嶺」總站，從「摩星嶺徑」上山，沿途已有兩三個炮台，到「摩星嶺青年旅舍」後，旁邊有一條呈90度角的石屎路，想是以前訓練士兵之用，我們從旅舍對面的窄巷石梯登上山頂，穿過一大片草地，進入如迷宮一樣的碉堡。

話說，原路下山時，忽然傳來若隱若現的蘇格蘭風笛聲......嘩！日光日白，唔係咁猛係嘛？莫非又多一單怪異事件由我們傳出？風笛聲繼續伴隨著我們下山，到差不多行到巴士站，原來有個「鬼佬」在路邊吹緊蘇格蘭風笛。

全程4.73公里，行咗兩個鐘多啲。

沿途很多不知通往哪裡的梯級，長滿野草樹木。

樹根佔據了碉堡

野花

野花

這個是甚麼建築物？

走近一看......

原來是個塌了屋頂的廁所！

西區獅子亭

下望「硫磺海峽」，被濃霧淹蓋了。

第一個炮台

炮台變了花盆

另一個炮台

這個是不是炮台？

霧鎖香江

又一個炮台

霧中下山

吹蘇格蘭風笛的「人」