屯門經大欖涌水塘至元朗河背村再經清潭水塘至雷公田

今天走了一條較長的路線，由「屯門碼頭」出發，經「大欖涌水塘」走到「元朗河背村」，再經「清潭水塘」到「八鄉雷公田」出「荃錦公路」。全程23.31公里，共用了7小時41分，除去食早餐(兼午餐)和途中休息時間，走了6小時22分。

大欖涌水塘

清潭水塘

蔓陀蘿花

屯門經大欖涌水塘至元朗南坑排

今天走久違了的「大欖涌水塘」北岸綑邊，到「吉慶橋」大休後，由「南坑排」出，共走了五個半小時。



在較大的地圖上查看20141102 屯門經大欖涌水塘至元朗南坑排

2014年10月3日 (星期五) ── 新加坡濱海灣花園 (Gardens By The Bay) 溫室內嘆下午茶

今天老妻生日，阿女俾錢我帶佢去濱海灣花園 (Gardens By The Bay) 的溫室 Flower Dome (花穹) 內的餐廳 high tea (阿女要揍仔)，其實前兩個禮拜到濱海灣花園半天遊時已計劃到此嘆下午茶，可惜當日因新加坡舉行 Formula 1 賽車，此餐廳唔開(或只是冇下午茶？我唔清楚，因為係我女婿上網 book 位)，所以今次老早就訂咗位。

此餐廳叫做 Pollen (花粉)，在溫室 Flower Dome (花穹) 裡面，幫襯佢，食完之後就可以走入溫室，換句話說，即係免費遊 Flower Dome ，慳番新幣16元 (遊客價錢，一個溫室S$16，兩個S$28)，我哋每人 order 咗一個下午茶餐，每份S$38，加一小費再加7%消費稅後盛惠S$44.46。

嘆完個下午茶後，在溫室 Flower Dome (花穹) 裡面逛，然後沿 Helix Bridge (螺旋橋) 過 Marina Bay (濱海灣) 走去搭摩天輪 (Singapore Flyer 新加坡摩天觀景輪)，此摩天輪高約42層樓，轉一個圈需時30分鐘，成人每位S$33，60歲以上本地人S$24，買票時，個售票員見我滿頭白髮，問我哋係唔係 senior，我梗話係啦，佢就收我S$48兩位。

坐完摩天輪，太陽開始下山，沿濱海灣漫步到「大榴槤」(濱海藝術中心 Esplanade - Theatres on the Bay) ，然後到鄰近的 Marina Square 商場會合阿女兩公婆同BB，並在商場裡的「莆田」食福建菜。

Helix Bridge (螺旋橋)

在摩天輪上，整個濱海灣花園 (Gardens By The Bay) 盡入眼底，
前方兩個大溫室，左邊是 Cloud Forest (雲霧林)，右邊是 Flower Dome (花穹)

「大榴槤」(濱海藝術中心 Esplanade - Theatres on the Bay) 

2014年9月28日 (星期日) ── 新加坡老巴剎 (Telok Ayer Market)、魚尾獅 (Merlion)、小印度 (Little India) 半天遊

今日到新加坡市中心一些比較熱門的旅遊點逛逛，早上先到「老巴剎」(Lau Pa Sat Festival Market 又叫 Telok Ayer Market) 食早餐。馬來語「巴剎」係街市咁解，老巴剎即「old market 舊街市」。老巴剎建於1894年，是東南亞僅存的維多利亞時期的鐵鑄建築物，早期是個街市，後改為飲食中心。

我們抵達老巴剎時約10:00am，很多檔口都未開，影完相、食過早餐，沿 Raffles Quay 走到「魚尾獅公園」，「魚尾獅」是新加坡的代表，未嚟過睇魚尾獅，未算嚟過新加坡。

之後搭地鐵去「小印度」，行咗一陣，再搭地鐵去「淡濱尼」(Tampines) 飲茶。

「老巴剎」(Lau Pa Sat Festival Market 又叫 Telok Ayer Market) 

很多檔口都未開

你好口渴咩？

小印度路邊檔替人客於手上繪花

這個是廁所，每位盛惠S$0.2