電話騙案實錄

今天下午，正懶洋洋咁坐晌家中籐椅上睇報紙兼瞌眼瞓，突然固網電話鈴聲響起，看來電顯示，係「Long Distance」......

接聽：「喂！」
電話那邊傳來一把男聲：「喂！你知唔知我係邊個？」

哈哈，「電話騙案」在新聞或「警訊」節目上就聽得多，今次竟然發生晌我身上，阿叔得閒，即管同你玩吓......

我：「你係邊個？」
佢：「你估吓。」
我：「......估唔到。」
佢：「咁都認唔到我把聲？」
我：(詐作好努力咁諗)「er......認唔到。」
佢：「我係你嘅親戚喎！」
我：「咩親戚呀？」
佢：「晌大陸嘅親戚喎！」
我：(更努力咁諗)「er......咦...係咪阿牛呀？」
佢：「咪就係阿牛囉，我而家晌深圳呀。」
我：「晌深圳做乜呀？」
佢：「有啲嘢做。」
我：「哦！」
佢：「聽日我去香港，得唔得閒出嚟飲茶？」
我：「聽日我唔得閒喎，約咗人喎。」
佢：「約咗邊個呀？」
我：「你唔識嘅。」
佢：「上晝定下晝呀？」
我：「全日喎。」
佢：「我留低我個電話俾你啦，你後日搵我呀！」
我：「好呀！等我攞枝筆先......講啦！」
佢：「13071671430。」
我：「咁長嘅？」
佢：「大陸電話係咁長架。」
我：「哦！」
佢：「你個手提電話幾號？」
我：「我都冇手提電話嘅。」
佢：「唔係呀話？手提電話都冇？」
我：「係呀，冇乜必要。」
佢：「er......而家方唔方便講嘢呀？」
我：(哈，終於嚟料嘞！) 「冇問題，講。」
佢：「可唔可以借住幾千蚊俾我呀？」
我：(乾咳一聲)「咳......乜講啲咁嘢呀。」
佢：「幾千蚊啫。」
我：「你都知我咩環境啦，邊度搵到幾千蚊借俾你呀？」
佢：「真係冇？」
我：「真係冇喎。」
佢：「哦！」
我：「係咁先啦。」(收線)

雨中疾走 ── 黃金海岸掃管笏上麥徑十段

天文台預測今天會有雷雨，但早上見有間歇性陽光，於是走條易啲嘅路線。中午於「蝴蝶邨」食咗碗魚蛋粉出嚟時，已經開始下雨。打著傘沿「海榮路」到「三聖邨」時，巧遇「屯門青山三洲媽」巡遊隊伍，非常熱鬧，原來今天是「青山三洲媽」誕，「三洲媽」其實就是「天后」，咁點解叫「三洲媽」呢？上網找來詳細資料，放在此文章後面。

言歸正傳，繼續行程，說時遲那時快，穿過「舊咖啡灣」、「加多利灣」、「黃金泳灘」幾個沙灘，再轉入「掃管笏」直上「麥理浩徑第十段」，沿引水道走回「屯門」方向，經「井頭上村」落「青山公路」「何福堂書院」旁出，差不多五點鐘了！


在較大的地圖上查看20140510 黃金海岸經掃管笏上麥徑十段

「青山三洲媽」誕巡遊

花炮

舊咖啡灣

加多利灣

黃金泳灘

掃管笏村

猪籠草

網上資料：

三洲媽廟

• 屯門青山灣共有兩座天后廟，而麒麟崗公園旁的「三洲媽廟」便是其中一間。
  
• 由於廟內供奉的天后像源自中國內地的台山縣上川島一個稱為「三洲塘」的地方，而福建及潮洲人普遍稱天后為「阿媽」，所以漁民就稱該天后廟為「三洲媽廟」。
  
• 據屯門區議會出版的《屯門的宗教及廟宇》資料顯示，於1951年，駐守上川島的解放軍徵用了三洲塘天后廟作宿舍之用，天后廟因而被迫關閉。廟內的天后像在 同年被一名叫梁勝利的漁民接到船上供奉。十七年後，梁勝利再把天后像安放於麒麟崗山腳下的沙灘一角。經過多次爭取，政府於1987年批准了三洲媽廟的建 立。
  
• 三洲媽天后誕的正日是農曆四月十二，但漁民由四月初八起，便會一連五天舉行慶祝活動。屆時會有神遊、神功戲、還炮等慶祝活動。

甲龍古道

今天原定的行程是：乘車到「荃錦公路」上的「荃錦坳」起步，走「甲龍古道」下「雷公田」，再走「甲龍林徑」上「麥理浩徑9段」，走完「麥理浩徑9段」下「清快塘」到「深井」。

可惜花了一小時走完「甲龍古道」到「雷公田」，正準備走上「甲龍林徑」時，竟下起傾盤大雨來，在此環境下，為免發生意外，於是取消餘下的行程，敗興而歸。

其實另一方面也慶幸走完「甲龍古道」才下大雨，因從「荃錦坳」走「甲龍古道」下「雷公田」，一路都是向下走，高度超過400公尺。顧名思義，「古道」就是古時候開出的道路，用大小不一的石頭砌成、凹凸不平、樹木茂密的地方更長滿青苔，再加上遍佈路面的樹根、枯枝、腐葉、碎石、浮沙等，天晴時走也要小心翼翼，恐怕會「拗柴」，如果今次我們正在途中就下大雨，我們兩個「耆英」就有難囉！


在較大的地圖上查看20140426 甲龍古道

從這裡進入「甲龍古道」

觀音山

在這裡避雨

原本計劃從這裡「甲龍林徑」走上「麥理浩徑9段」

到「生態園」餵蚊

「蔓陀蘿花」(不要碰，有毒的)

走到「荃錦公路」，乘車回荃灣

觀音山

復活節登荃灣石龍拱

吃過午飯，乘車到「大欖涌」剛好12:00pm，沿「大欖涌路」入，穿過「大欖懲教所」，直上「大欖郊野公園」，最後沿「元荃古道」登「石龍拱」下荃灣「荃威花園」，是時17:16pm。


在較大的地圖上查看20140419 大欖涌經石龍拱至荃灣

 

大欖懲教所

大欖涌水塘主壩