白內障手術實錄(八)

24/04/2009 (星期五)

唔經唔覺，响屋企又踎咗一個禮拜，今日覆診，醫生話傷口很好，雙眼都量了眼壓，三個星期後再覆診。我同醫生講，兩日後要返工，老花睇唔到文件，可否配住一個老花鏡暫用，到一個月後雙眼穩定咗先再配過一副度數準確的，醫生話冇問題。於是响診所附設的眼鏡部(一條龍服務嘛！)平平地配咗副老花鏡頂住檔先，都360蚊架！

至此，本人的白內障手術已告完成。


後記：手術後一兩年，據聞人工晶體技術已可做到連老花也可以冇埋！

上一篇：白內障手術實錄(七) 
回到第一篇：白內障手術實錄(一)

白內障手術實錄(七)

18/04/2009 (星期六)

今天懷著興奮的心情覆診，同上次一樣，護士替我揭開眼罩、抹去藥膏、滴幾滴眼藥水沖洗後，我張開眼睛，哇！Full High Definition，冇錯，係「全高清」。雙眼比以前戴了眼鏡時所見到的東西更多、更清、更細緻。遺憾的是仍有老花，近距看細字就眼花花。

醫生替我驗完眼，說傷口很好，一星期後覆診，走得。

於是戴上黑超，拖著老婆回家……今次真係我拖住佢架！全高清嘛，幾叻仔！不過，返到屋企又要「摳」足一個星期嘞，唉！

上一篇：白內障手術實錄(六)
下一篇：白內障手術實錄(八)

白內障手術實錄(六)

17/04/2009 (星期五)

捱咗三個幾星期兩隻眼視力差距千幾度的日子，老實講，很辛苦，走路要小心翼翼，每踏出一步都要睇真路面狀況，否則隨時會「仆」咗响「街」度。工作時仲大鑊，睇文件時要戴上蒙了右眼的眼鏡，把文件放到鼻端才勉強用左眼看到，而且很快疲累。

終於，今天左眼也做了手術，一切程序跟上次做右眼時一樣，只是手術前的血壓比上次稍低，是157/101，再量是147/98，反而手術後量得170/101，奇怪！唔係做完手術，放下了心頭大石，血壓就會回復正常嘅咩？

再一次扮著獨眼龍回家，等待明天覆診。

上一篇：白內障手術實錄(五)
下一篇：白內障手術實錄(七)